कोल्हापूर : जागतिक कृषि दिनानिमित्त राज्य सरकारने चार कोटी वृक्षलागवडीची मोहीम हाती घेतली आहे. त्याअंतर्गत एक जुलै रोजी शिरोली (पु.) येथील प्राथमिक शाळा व प्राथमिक आरोग्य केंद्रात वृक्षारोपण करण्यात आली.
या वेळी जिल्हा परिषदेच्या अध्यक्षा शौमिका महाडिक उपस्थित होत्या. तसेच या वेळी ग्रामपंचायतीच्या छत्रपती शिवाजी महाराज सभागृहात सुधाकर पाटील यांनी नैसर्गिक शेती, तर डॉ. अशोक पिसाळ यांनी ऊसलागवड या विषयावर शेतकऱ्यांना मार्गदर्शन केले. आमदार अमल महाडिक यांच्या विशेष प्रयत्नातून साकारलेल्या माहिती तंत्रज्ञान व स्पर्धा परीक्षा केंद्र इमारतीचे उद्घाटन शौमिका महाडिक यांच्या हस्ते झाले. या वेळी प्रा. शिवाजी गावडे यांनी विद्यार्थ्यांना मार्गदर्शन केले. या वेळी पंचायत समिती सदस्या डॉ. सोनाली पाटील, सरपंच जस्मिन गोलंदाज, ग्रामविकास अधिकारी ए. एस. कठारे व इतर ग्रामपंचायत सदस्य, ग्रामस्थ, विद्यार्थी, विद्यार्थिनी मोठ्या संख्येने उपस्थित होते.
शिरोली जिल्हा परिषद मतदारसंघातील मौजे तासगाव येथेही ग्रामपंचायत व प्राथमिक शाळा परिसरात शौमिका महाडिक यांच्या हस्ते वृक्षारोपण करण्यात आले. या वेळी सरपंच सारिका कोकाटे, उपसरपंच सुशीला पाटील, अर्जुन कोकाटे, शिवाजी पाटील, नामदेव पाटील, तानाजी पाटील, ग्रामसेवक दगडे व ग्रामस्थ मोठ्या संख्येने उपस्थित होते.
शिवाजी विद्यापीठाच्या परिसरातही पालकमंत्री चंद्रकांत पाटील व शौमिका महाडिक यांच्या हस्ते वृक्षारोपण करण्यात आले. या वेळी महापौर हसीना फरास, जिल्हा पालक सचिव देवरा, जिल्हाधिकारी सुभेदार, महापालिका आयुक्त चौधरी व इतर पदाधिकारी, अधिकारी, ग्रामस्थ मोठ्या संख्येने उपस्थित होते.